కర్నూలు : నమ్మేవాళ్లు ఉంటే.. మోసం చేసేవాళ్లకు లోటు ఉండదన్నట్లు.. ఓ వ్యక్తి సులువుగా డబ్బు సంపాదించడానికి స్వామీజీ అవతారమెత్తాడు. చివరికి పట్టుబడ్డాడు. వివరాల్లోకి వెళితే..పోలీసులు, స్థానికులు కథనం ప్రకారం.. కర్నూలు జిల్లాలోని ఎమ్మిగనూరులో దొంగ స్వామికి ఓ కుటుంబం దేహశుద్ధి చేసింది. గొప్ప స్వామీజీనని చెప్పుకుంటూ.. ఎవరికీ అనుమానం రాకుండా పూజల పేర్లతో ఇంట్లోకి ప్రవేశిస్తాడు. ఆపై ఆ ఇంట్లో చోరీకి పాల్పడతాడు. అయితే.. ఈ సారి మాత్రం దొంగ స్వామి ప్లాన్ రివర్స్ అయింది. ఎప్పటిలాగానే.. పూజ చేయడానికి ఓ ఇంట్లోకి వెళ్లాడు. పూజ పేరుతో డబ్బు, నగదు కొట్టేస్తుండడంతో గమనించిన కుటుంబసభ్యులు.. గట్టిగా కేకలు వేశారు. దీంతో ఇరుగుపొరుగు వారు వచ్చి దొంగ స్వామిని పట్టుకుని దేహశుద్ధి చేశారు.