హైదరాబాద్ : తెలంగాణ ముఖ్యమంత్రి రేవంత్‌రెడ్డి కొడంగల్‌లో ఈరోజు పర్యటించనున్నారు. పలు కార్యక్రమాల్లో సీఎం పాలుపంచుకోనున్నారు. నేడు రూ.9,053కోట్లతో పలు అభివృద్ధి పనులకు శంకుస్థాపన చేయనున్నారు. ఇవాళ సాయంత్రం 4:30 గంటలకు లఘుచర్ల ఇండస్ట్రీయల్ పార్కులో పామ్ ఆయిల్ ఫ్యాక్టరీకి శంకుస్థాపన చేయనున్నారు. అనంతరం నాచారం రేడియల్ రోడ్డు సహా పలు అభివృద్ధి పనులకు శ్రీకారం చుట్టనున్నారు. సాయంత్రం 5గంటలకు హకీంపేట్‌లో భారీ రైతు బహిరంగ సభలో పాల్గొని, ప్రసంగించనున్నారు. ఈ సభ అనంతరం సీఎం రేవంత్‌రెడ్డి హైదరాబాద్‌‌కు బయలుదేరనున్నారు.