ఒక్క రోజులోనే రూ.2560 తగ్గిన బంగారం

ఇంటర్నెట్ డెస్క్: ధనత్రయోదశి రోజు పసిడి ప్రియులకు ఊరట దొరికింది. శుక్రవారం బంగారం ధరలు రూ.2560 తగ్గాయి. హైదరాబాద్‌లో 24 క్యారెట్ల బంగారం ధర పది గ్రాములు రూ.143,460 గా రికార్డయింది. అలాగే 22 క్యారెట్ల బంగారం ధర పది గ్రాములు రూ.131,500గా, 18 క్యారెట్ల బంగారం ధర రూ.107,590గా నమోదైంది. గురువారం ఉదయం 10.00 గంటలకు గుడ్ రిటర్న్స్ వెబ్‌సైట్ ప్రకారం హైదరాబాద్, విజయవాడలో 24 క్యారెట్ల 10 గ్రాముల బంగారం ధర రూ.1,46,020గా ఉంది. శుక్రవారం నాటి ధరలతో పోలిస్తే అవి రూ.2560 తగ్గాయి.కాగా.. ధంతేరాస్‌ అంటేనే ఏదో ఒక ఆభరణం ఇంటికి తెచ్చుకుంటే మంచి జరుగుతుందని ప్రజల విశ్వాసం. హైదరాబాద్‌లోని కూకట్‌పల్లి, కేపీహెచ్‌బీ, బాలాజీనగర్‌, భాగ్యనగర్‌ కాలనీ పరిసర ప్రాంతాల్లో శుక్రవారం దంతేరాస్‌ వేడుకలకు దుకాణాలు ముస్తాబయ్యాయి. డైమండ్‌ కంటే ఎక్కువగా గోల్డ్‌, సిల్వర్‌ కొనుగోళ్లకు ప్రజలు ఆసక్తి చూపుతారు. ఎంత బంగారం కొంటే అంతే బరువుగల వెండి ఆభరణాలు ఉచితం, భారీ షాపింగ్‌పై గోల్డ్‌, సిల్వర్‌ కాయిన్స్‌, జీఎస్టీ తామే చెల్లిస్తాం అని ప్రకటనలతో కొనుగోలుదారులు ఆఫర్లు ప్రకటించారు. దీంతో ఏదో ఒకటి కొనేందుకు బంగారు ప్రియులు రెడీ అవుతున్నారు. పండుగ వేళ శుభప్రదంగా భావించి నగలు కొనుగోలు చేయాలనుకునేవారు తగిన జాగ్రత్తలు తీసుకోవాలని నిపుణులు సూచిస్తున్నారు. కాగా.. బంగారం, వెండి ధరలు ఎప్పటికప్పుడు మారుతుంటాయి. కాబట్టి కొనుగోలుదారులు మరోసారి ధరలను చెక్ చేసుకోవలసిందిగా నిపుణులు సూచించారు.

ఇదీ చదవండి :: చెలరేగుతున్న భారత పేసర్లు.. సీక్రెట్ చెప్పేసిన బౌలింగ్ కోచ్ మోర్కెల్