రబ్బర్ బుల్లెట్ గాయపడిన యువకుడికి వైయస్ జగన్ పరామర్శ

పార్టీ అండగా ఉంటుందని భరోసా

​పులివెందుల అర్బన్ అక్టోబర్ 28:

పోలీసుల రబ్బర్ బుల్లెట్ తూటా తగిలి గాయపడిన వైఎస్సార్‌సీపీ కార్యకర్త గండికోట పవన్ కుమార్‌ను వైఎస్సార్ కాంగ్రెస్ పార్టీ అధ్యక్షుడు,మాజీ ముఖ్యమంత్రి వైయస్ జగన్ మోహన్ రెడ్డి పరామర్శించారు.

​పులివెందుల పట్టణానికి చెందిన గండికోట నాగభూషణం కుమారుడు పవన్ కుమార్,ఈ నెల 17న నామినేషన్ల ప్రక్రియ సందర్భంగా చోటుచేసుకున్న పరిణామాల్లో పోలీసుల కాల్పులకు గురయ్యారు.ఆ సమయంలో కాలికి రబ్బర్ బుల్లెట్ బలంగా తగలడంతో తీవ్ర గాయాలపాలయ్యారు.

​ప్రస్తుతం పులివెందుల పర్యటనలో ఉన్న వైయస్ జగన్‌ను బాధితుడు పవన్ కుమార్ స్వయంగా కలిసి,ఆ రోజు జరిగిన ఘటనను వివరించారు.పవన్ ఆరోగ్య పరిస్థితిని,గాయం నయమవుతున్న తీరును జగన్ అడిగి తెలుసుకున్నారు.

​ఎలాంటి ఆందోళన చెందవద్దని,ధైర్యంగా ఉండాలని పవన్ కుమార్‌కు ఆయన ధైర్యం చెప్పారు. పార్టీ శ్రేణులు,నాయకత్వం అన్ని విధాలుగా అండగా నిలుస్తాయని ఈ సందర్భంగా స్పష్టమైన హామీ ఇచ్చారు.

ఇదీ చదవండి :: తోటాడ ఎంపీటీసీ, జెడ్పీటీసీ ఎన్నికల్లో ఓటుకు నోటు తిరస్కరణ